Pr. Peter K Manuel

Peter K Manuel
Pr. Peter K Manuel
പാസ്റ്റർ പീറ്റർ കെ മാനുവൽ - സ്വദേശം ചെങ്ങന്നൂര്‍, കോടുകുളഞ്ഞി. വര്‍ഷങ്ങളായി എറണാകുളത്ത് താമസം ആക്കിയിരുന്നു. 25 വര്‍ഷം കേരളത്തില്‍ AG യില്‍ സഭാശുശ്രൂഷകനായിരുന്നു. ചില വര്‍ഷങ്ങള്‍ പ്രസ്ബിറ്ററായും ചുമതല വഹിച്ചിട്ടുണ്ട. ഇപ്പോള്‍ ബീഹാറില്‍ പാറ്റ്നയില്‍ താമസിച്ച് കര്‍ത്താവിന്‍റെ വേല ചെയ്യുന്നു. ഭാര്യ ഓമന, മക്കള്‍, അലീന എസ്ഥേര്‍ പീറ്റര്‍, ആഷ്ലി ശാന്താ പീറ്റര്‍. അലീന എന്‍ജീനീയറിംഗിന് പഠിക്കുന്നു. ആഷ്ലി പത്താം ക്ളാസ്സില്‍ പഠിക്കുന്നു.
June 6, 2017

ആത്മാവെന്ന അച്ചാരം

അറുക്കുവാനും മുടിക്കുവാനും കച്ച കെട്ടി ഇറങ്ങിയ മാനവകുല ദ്രോഹിയായ പിശാചിന്റെ പ്രലോഭനതന്ത്ര ആക്രമണങ്ങളെ ചെറുത്തു തോല്‍പ്പിക്കാന്‍, വിജയകരമായ ഒരു ക്രിസ്തീയ ജീവിതം കൈവരിക്കാന്‍, മനുഷ്യന്റെ ബലഹീനതകളെ നന്നായി അറിയുന്ന നാഥന്റെ സ്നേഹപദ്ധതിയാണ് ആത്മാവിന്റെ ദാനം. ആര്‍ക്കും തടുക്കാന്‍ കഴിയാത്ത ശക്തിയും ആര്‍ക്കും മെരുക്കാന്‍ കഴിയാത്ത സ്വഭാവവും ആരെയും നിയന്ത്രിക്കുന്ന നിയന്ത്രിതാവും അറിവുകൂടാതെ ആലോചനയെ മറിച്ചുകളയുന്നവനും ആശങ്കകളില്‍ ആലംബവും ആവശ്യങ്ങളില്‍ സഹായകനും ആശ്വാസത്തിന്റെ നായകനും ആഴങ്ങളെ ആരായുന്നവനുമായുള്ള ബന്ധം ക്രിസ്ത്യാനിയെ ഈ നശ്വരലോകത്തില്‍ വേറിട്ടുനിര്‍ത്തും.
July 27, 2016

ഏശാവിന്റെ അവകാശം

ദൈവമക്കള്‍ ആയിത്തീര്‍ന്നുകഴിഞ്ഞാല്‍ മറ്റുള്ള ജാതികളെല്ലാം നരകത്തിന്റെ വിറകു കൊള്ളികളാണെന്ന ചിന്തയോടെ അവരോടു പെരുമാറുകയും വിഭാഗീയത വച്ചുപുലര്‍ത്തുകയും ചെയ്യുന്നവര്‍ ഉണ്ടെന്നുള്ളത് സങ്കടം ആണ്. ദൈവം സകലരുടെയും ദൈവമാണ്. അവിടുന്ന് എല്ലാവരെയും സ്നേഹിക്കുന്നു. എല്ലാവരും യേശുവിലൂടെയുള്ള രക്ഷയിലേക്കു വരണം എന്നാഗ്രഹിക്കുന്നു. ദൈവത്തിന്റെ നേരിട്ടുള്ള ഇടപെടല്‍ ഉണ്ടായ അനേക ജാതികളെക്കുറിച്ചുള്ള പരാമര്‍ശം ബൈബിളില്‍ ഉണ്ട്. ഓരോ ആത്മാവിന്റെ വിലയും ഭൂലോകത്തിന്റെ വിലയേക്കാള്‍ വിലയേറിയതും ആണ്. ആയതിനാല്‍ ആത്മഭാരത്തോടെ നമ്മുടെ സമൂഹത്തിനുവേണ്ടി പ്രാര്‍ത്ഥിക്കുന്ന ഒരു കൂട്ടത്തെയാണ് ദൈവത്തിനാവശ്യം.
July 20, 2016

പോരിന്റെ ആയുധങ്ങള്‍

ലോകവിപണിയില്‍ സുലഭമായി ലഭിക്കുന്ന ശക്തവും വിനാശകരവുമായ ഒരു വസ്തുവാണ് ആയുധങ്ങള്‍. രാഷ്ട്രങ്ങള്‍ തങ്ങളുടെ ശക്തി വര്‍ദ്ധിപ്പിക്കുവാന്‍ നൂതന ആയുധശേഖരം വാരിക്കൂട്ടുന്നു. കോണ്‍ക്രീറ്റ് വനങ്ങൾക്കുള്ളില്‍ മറഞ്ഞിരിക്കുന്ന വിനാശകാരിയായ ആയുധങ്ങളെ എല്ലാം ലോകം ഇതുവരെ തിരിച്ചറിഞ്ഞിട്ടില്ല. സത്യത്തില്‍ ആയുധങ്ങള്‍ മനുഷ്യന്‍ മനുഷ്യന് നേരെ ഉപയോഗിക്കാനാണല്ലോ വാരിക്കൂട്ടുന്നത് എന്ന ചിന്ത ആര്‍ക്കുമില്ല എന്ന് തോന്നുന്നു. തന്റെ സാമ്രാജ്യം ഉറപ്പിക്കേണം എന്ന ഭാവമേ ഏവര്ക്കുമുള്ളൂ. ചരിത്ര നാള്‍വഴികളിലെ ഏടുകള്‍ പരതിനോക്കിയാല്‍ ലജ്ജിക്കുന്ന, വേദനിക്കുന്ന അനേകം സംഭവങ്ങളുടെ ചുരുളുകള്‍ കാണാന്‍ കഴിയും. എന്നിട്ടും മനുഷ്യന്റെ ആയുധക്കമ്പം അവസാനിക്കുന്നില്ല, അവസാനം വരെ അവസാനിക്കുകയുമില്ല.
July 15, 2016

കണ്ണുകള്‍ക്ക്‌ നടുവിലെ പട്ടം

സര്‍വ്വശക്തനായ ദൈവത്തെക്കുറിച്ചുള്ള ബോധ്യം നമുക്കെപ്പോഴും ഉണ്ടാകണം എന്ന് ദൈവം ആഗ്രഹിക്കുന്നു. നിന്റെ ദൈവമായ യഹോവയെ പൂര്‍ണ്ണഹൃദയത്തോടും പൂര്‍ണ്ണമനസ്സോടും പൂര്‍ണ്ണആത്മാവോടും സ്നേഹിക്കേണം എന്ന് ദൈവം കല്‍പ്പിക്കുന്നു. അത് അനുസരിക്കുന്നു എന്ന് പറയുന്ന മനുഷ്യന്‍ പലപ്പോഴും ജീവിതസാഹചര്യങ്ങളുടെ നടുവില്‍ അത് മറന്നുകളയുകയും ദൈവത്തെ വേദനിപ്പിക്കുകയും ചെയ്യുന്നത് സാധാരണമാണ്.
July 11, 2016

യഹോവയ്ക്ക് ഒരു വിശുദ്ധജനം

യഹോവയ്ക്ക് വിശുദ്ധം എന്ന് തന്റെ ജനത്തിന്റെ മേല്‍ ഒരു മുദ്രയുണ്ടാകണം എന്ന് ദൈവം കല്‍പ്പിക്കുന്നു. യിസ്രായേലിന്റെ തന്മയത്വം നിലനിര്‍ത്തണം എന്നത് ദൈവ ഇഷ്ടമായിരുന്നു. ആയതിനാല്‍ ജാതികളുമായി ഇണയില്ലാപ്പിണ കൂടരുത് എന്ന് ദൈവം കല്‍പ്പിച്ചു. പലരും അപ്രകാരം ചെയ്തതിനാല്‍ ജാതികളുടെ ശപിക്കപ്പെട്ട വിഗ്രഹാരാധനയിലേക്ക് പുരുഷന്മാരെ വശീകരിച്ചത് ചരിത്രമാണ്. ശലോമോന്‍ അതിന്റെ ബലിയാടാണ്.
June 30, 2016

ഉറപ്പേറിയ സ്നേഹം

മനുഷ്യന്‍ ഒരു സമൂഹജീവിയാണ്. ഏകാന്തതയുടെ തടവറ എന്നത് മനുഷ്യമനസ്സിനെ മരവിപ്പിച്ച്, ഭ്രാന്തമായ ആവേഗങ്ങള്‍ സൃഷ്ടിച്ച്, മരണത്തെക്കാള്‍ മാരകമായ മസ്തിഷ്ക്കപ്രക്ഷാളനതിനു വിധേയനാക്കി, അവനെ ഇഞ്ചിഞ്ചായി കൊല്ലുകയും, തകര്‍ക്കുകയും ചെയ്യുന്ന ഒരു അവസ്ഥാവിശേഷം ആണ്. സമചിത്തതയുടെ സന്തുലിതാവസ്ഥയെ കിഴുക്കാംതൂക്കായി ആടിയുലയിക്കുന്ന സംഭവവികാസങ്ങളില്‍ ഭയലേശമെന്യേ ചേര്‍ന്നുനില്‍ക്കാന്‍ ഒരിടം ഉണ്ട് എന്ന ചിന്ത, വെള്ളത്തിന്റെ ആഴങ്ങളില്‍ നിന്നും കഷ്ടിച്ച് ശ്വാസം വിടാന്‍ തലയുയര്‍ത്തപ്പെടുന്ന ഒരു പ്രതീതി ഉളവാക്കും എന്നത് നിസ്തര്‍ക്കം ആണ്.