Pr. Finny Samuel

Finny Samuel
Pr. Finny Samuel
പാസ്റ്റർ ഫിന്നി സാമുവെൽ - സ്വന്ത സ്ഥലം തിരുവനന്തപുരം. ജോലിയോട് അനുബന്ധിച്ച് യു.എസിൽ ആയിരിക്കുന്നു. ലിവിംഗ് വോയിസ് മിനിസ്ട്രീസിന്റെ ഡയറക്റ്റർമാരിൽ ഒരാളായും സേവനമനുഷ്ടിക്കുന്നു. ഭാര്യ കെസിയ. രണ്ട് മക്കൾ - എവെലിൻ, ഇവാൻജലിൻ.
June 12, 2017

നീ കരയുന്നതെന്ത്?

ചൈനയിൽ ചില വർഷങ്ങളായി വിലാപശാലകളുടെ എണ്ണം കൂടി വരുന്നതായി ഒരു പത്രവാർത്ത വായിക്കുവാനിടയായി. ഈ വിലാപശാലകളിൽ (Cry Bar) ഒരു നിശ്ചിത തുകയ്ക്ക് ആളുകൾക്ക് വന്നിരുന്ന് മനസമാധാനമായി 'കരയാം'!! മണിക്കൂറിന് ഏകദേശം ഇരുന്നൂറ്റമ്പത് രൂപയിലധികമാണ് കരയുന്നതിന് ഈടാക്കുന്ന ഫീസ്. ആരുടേയും ശല്യമില്ലാതെ മനസ്സ് തുറന്ന് കുറച്ച് കരഞ്ഞ് കഴിഞ്ഞാൽ പല മാനസികസമർദ്ദങ്ങൾക്കും ആശ്വാസം ലഭിക്കുമെന്നതാണ് ഈ കരച്ചിൽ തെറാപ്പിയുടെ പുറകിലുള്ള മനശാസ്ത്രം എന്നാണ് അവിടെ ഉള്ളവർ പറയുന്നതത്രേ! ഇതിലും അധികം ഫീസ് മുടക്കി ഒരു മനശാസ്ത്രജ്ഞന്റെയോ കൗണിസിലറിന്റെയോ അടുക്കൽ ചെന്നിരുന്ന് കരയുന്നതിലും ഭേദമാണിതെന്നാണ് ന്യായവാദം.
June 3, 2017

നിങ്ങൾക്കു സമാധാനം!

ഒരിക്കൽ ഒരു രാജാവ്, സമാധാനത്തെ ചിത്രീകരിക്കുന്ന ഒരു ഛായാചിത്രം വരയ്ക്കുന്നവർക്ക് ഒരു സമ്മാനം പ്രഖ്യാപിച്ചു. അനേകം ചിത്രകാരന്മാരുടെ മനോഹരമായ ചിത്രങ്ങളിൽ നിന്ന് രണ്ടെണ്ണം, അവസാന തീരുമാനം എടുക്കേണ്ടതിന് രാജാവിന്റെ അടുക്കൽ കൊണ്ട് വന്നു. ഒന്നാമത്തെ ചിത്രത്തിൽ ശാന്തമായി കിടക്കുന്ന ഒരു കായൽ. തെളിഞ്ഞ നീലാകാശത്തിൽ വെള്ള മേഖങ്ങളുടെ സുന്ദര രൂപങ്ങൾ. ചിത്രം കണ്ട എല്ലാവർക്കും അത് ഇഷ്ടപ്പെട്ടു. മറ്റെ ചിത്രത്തിൽ പരുക്കമെങ്കിലും പ്രകൃതി രമണീയമായ ഒരു പർവ്വതനിരയും അതിന് താഴെയായി ഒരു വെള്ളച്ചാട്ടവും. മുകളിൽ എപ്പോൾ വേണമെങ്കിലും പെയ്യാവുന്ന തരത്തിൽ കാർമേഘങ്ങളെക്കൊണ്ട് നിറഞ്ഞിരിക്കുന്ന ആകാശം. ചിത്രത്തിന് വളരെ ദൃശ്യഭംഗി ഉണ്ടായിരുന്നെങ്കിലും അത് സമാധാനത്തെ കാണിക്കുന്നില്ല എന്ന് പലരും അഭിപ്രായപ്പെട്ടു. എന്നാൽ ആ ചിത്രത്തിൽ പലരും ശ്രദ്ധിക്കാത്ത ഒരു കാര്യം രാജാവിന്റെ ശ്രദ്ധയിൽ പെട്ടു.
August 8, 2016

എഴുന്നേൽപ്പിൻ നാം പോക

അമേരിക്കൻ ആഭ്യന്തരയുദ്ധം നടക്കുന്ന വേളയിൽ പ്രസിഡന്റ് എബ്രഹാം ലിങ്കണ്‍ ഒരു കൂട്ടം വൈദികരുമായി പ്രഭാതഭക്ഷണത്തിന് സന്ധിക്കുകയുണ്ടായി. വലിയ ഭക്തനൊന്നുമല്ലാതിരുന്ന അദ്ദേഹത്തോട് ഒരു വൈദികൻ ഇങ്ങനെ പറഞ്ഞു: "ഈ വേളയിൽ ദൈവം നമ്മുടെ പക്ഷത്തായിരിക്കുവാൻ നമുക്ക് പ്രാർത്ഥിക്കാം". അതിന് ലിങ്കണ്‍ പറഞ്ഞ മറുപടി വളരെ പ്രസിദ്ധമാണ്. അതിങ്ങനെ ആയിരുന്നു: "അല്ല സഹോദരങ്ങളെ, ദൈവം നമ്മുടെ പക്ഷത്തായിരിക്കുവാനല്ല, നാം ദൈവത്തിന്റെ പക്ഷത്തായിരിക്കുവാൻ നമുക്ക് പ്രാർത്ഥിക്കാം."
August 2, 2016

എന്നെ അനുഗമിക്ക

കായിക രംഗത്തോ സിനിമ രംഗത്തോ ഒക്കെ പ്രശസ്തരായ വ്യക്തികൾക്ക് കടുത്ത ആരാധകരായി അനേകർ ഉണ്ടാവും. തങ്ങളുടെ ആരാധ്യതാരത്തെ ഒന്ന് കാണുവാനോ തൊടുവാനോ അടുപ്പം സ്ഥാപിക്കുവാനോ വേണ്ടി എന്ത് ചെയ്യുവാനും ഇവരിൽ ചിലർ മടിച്ചേക്കില്ല. ചില വർഷങ്ങൾക്ക് മുൻപ് ഒരു സിനിമയുടെ പ്രചരാണാർത്ഥം ദുബായ് നഗരത്തിലെത്തിയ ഇമ്രാൻ ഖാൻ എന്നാ ബോളിവുഡ് നടന് ഹസ്തദാനം ചെയ്യുവാൻ  ആൾത്തിരക്കിലൂടെ വളരെ ബുദ്ധിമുട്ടി ഒരു യുവതി കടന്നു വന്നു. ഒരു വിധം നടന്റെ കരം ഗ്രസിച്ച ആ സ്ത്രീ  പക്ഷെ ഹസ്തദാനം കഴിഞ്ഞിട്ടും തന്റെ കരം വിടുവാൻ തയ്യാറാകാത്തതിനെ തുടർന്ന് നടന്റെ അംഗരക്ഷകർ ഇടപെട്ടപ്പെട്ടപ്പോൾ വളരെ ക്രുദ്ധയായി നടന്റെ കൈ കടിച്ച് മുറിക്കുവാൻ ഇടയായി. നടൻ വേദന കൊണ്ട് നിലവിളിച്ചിട്ട് പോലും ആരാധിക കടി നിറുത്തിയില്ല എന്നായിരുന്നു പത്രവാർത്ത!
July 26, 2016

നാലാം ദിവസം

പ്രാർത്ഥനാവീരൻ എന്നറിയപ്പെടുന്ന ജോർജ്ജ് മുള്ളറുടെ അനാഥാലയത്തിൽ ഒരു ദിവസം രാവിലെ കുഞ്ഞുങ്ങൾക്ക് പ്രഭാതഭക്ഷണം കൊടുക്കുവാൻ ആഹാരസാധനങ്ങൾ ഒന്നും ഇല്ലാത്ത ഒരു അവസ്ഥ വന്നു. കടുത്ത സാമ്പത്തിക പ്രതിസന്ധിയിലൂടെ കടന്ന് പൊയ്ക്കൊണ്ടിരുന്ന അദ്ദേഹത്തിന്റെ പണസഞ്ചി അക്ഷരാര്‍ത്ഥത്തിൽ കാലിയായിരുന്നു. എന്നിരുന്നാൽ തന്നെ, അദ്ദേഹം വിശ്വാസത്താൽ ഭക്ഷണ മുറിയിലേക്ക് കടന്ന് ചെന്ന് പതിവ് പോലെ പാത്രങ്ങളും കപ്പുകളും നിരത്തി വച്ച് കുഞ്ഞുങ്ങളെ ഭക്ഷണത്തിന് വിളിച്ചു. തങ്ങൾക്ക് അന്നേ ദിവസം കഴിക്കുവാൻ ആഹാരം ഇല്ലെന്നും എന്നാൽ സ്വർഗ്ഗസ്ഥനായ പിതാവ് തക്ക സമയത്ത് അത് കരുതിക്കൊള്ളും എന്നതിനാൽ പ്രാർത്ഥിക്കുവാൻ ആരംഭിക്കുവാനും അദ്ദേഹം കുഞ്ഞുങ്ങളോട് പറഞ്ഞു. അധികം താമസിയാതെ കതകിൽ ആരോ മുട്ടുന്ന ശബ്ദം കേട്ട് വാതിൽ തുറന്ന മുള്ളർ ആ പ്രദേശത്തെ പ്രമുഖനായ ഒരു ബേക്കറി ഉടമയെ ആണ് കണ്ടത്. മുള്ളറുടെ അനാഥാലയത്തിൽ ഭക്ഷണമില്ലെന്ന തോന്നൽ കൊണ്ട് തലേ രാത്രി തനിക്ക് ഉറങ്ങാൻ കഴിഞ്ഞില്ലെന്നും ആയതിനാൽ രാത്രി തന്നെ അവർക്ക് വേണ്ടി ബ്രഡ് ഉണ്ടാക്കി എന്നും അതും കൊണ്ടാണ് താൻ വന്നിരിക്കുന്നതെന്നും അയാൾ മുള്ളറെ അറിയിച്ചു. ഏകദേശം അതേ സമയം ഒരു പാൽക്കാരന്റെ വണ്ടി അനാഥാലയത്തിന് സമീപം വച്ച് കേടാകുകയും അത് നന്നാക്കുവാൻ ആ പാൽ മുഴുവൻ കാലിയാക്കേണ്ടതുള്ളത് കൊണ്ട് ആ പാൽ മുഴുവൻ അനാഥാലയത്തിന് അയാൾ ദാനം ചെയ്യുകയും ഉണ്ടായി.
July 5, 2016

ജീവശബ്ദം

പുതിയതായി രക്ഷിക്കപ്പെട്ട ഒരു സഹോദരിക്ക് ഒരാൾ ഒരു വേദപുസ്തകം സമ്മാനിച്ചിട്ട് അത് തുടർമാനമായി വായിക്കണമെന്ന് ഉപദേശിച്ചു. ആ ബൈബിൾ സമ്മാനിച്ച വ്യക്തി പിന്നീട് ആ സഹോദരിയെ കണ്ടപ്പോൾ അത് തുടർച്ചയായി വായിക്കുന്നുണ്ടോ എന്ന ചോദിച്ചതിന് ആ സഹോദരി പറഞ്ഞ ഉത്തരം ഇങ്ങനെയാണ്: "ഞാൻ ഈ വേദപുസ്തകം വായിക്കുക അല്ല, ഈ വേദപുസ്തകം എന്നെ വായിക്കുകയാണ്. എന്നെ തിരുത്തേണ്ട ഇടത്ത് തിരുത്തുകയും, ധൈര്യപ്പെടുത്തേണ്ട ഇടത്ത് ധൈര്യപ്പെടുത്തുകയും, ഉപദേശിക്കേണ്ട ഇടത്ത് ഉപദേശിക്കയും, ആശ്വസിപ്പിക്കേണ്ട ഇടത്ത് ആശ്വസിപ്പിക്കയും ചെയ്യുന്ന ഈ അത്ഭുത പുസ്തകം ഞാൻ എന്നെ മനസ്സിലാക്കുന്നതിലും നന്നായി എന്നെ മനസിലാക്കുന്നു".
June 27, 2016

വ്യസനിപ്പിക്കുന്ന ആശ്വാസകന്മാർ

പത്തൊൻപതാം നൂറ്റാണ്ടിൽ ഇംഗ്ലണ്ട് ഭരിച്ചിരുന്ന വിക്ടോറിയ രാജ്ഞി ഒരിക്കൽ തന്റെ പരിചാരികകളിൽ ഒരാളുടെ കുഞ്ഞു മരിച്ചതറിഞ്ഞ് ആ സ്ത്രീയെ ആശ്വസിപ്പിക്കുവാൻ അവരുടെ വീട്ടിലേക്ക് പോയി. കുറെയേറെ നേരം അവരോടൊത്ത് ചിലവഴിച്ച ശേഷം രാജ്ഞി തിരികെ പോയിക്കഴിഞ്ഞപ്പോൾ, ഇത്ര കാര്യമായി രാജ്ഞി എന്താണ് സംസാരിച്ചെതെന്ന് അയൽക്കാർ ആ സ്ത്രീയോട് ചോദിച്ചു. അവരുടെ മറുപടി കേൾവിക്കാരെ സ്തബ്ദരാക്കി. "രാജ്ഞി എന്നോട് ഒന്നും സംസാരിച്ചില്ല. പക്ഷെ എന്റെ കൈ അവരുടെ കൈകൾക്കുള്ളിൽ വെച്ച് എന്നോടൊപ്പം അവരും കരഞ്ഞു". ഒരക്ഷരം പോലും സംസാരിച്ചില്ലെങ്കിലും ആ സ്ത്രീക്ക് വളരെയധികം ആശ്വാസം പകരുവാൻ വിക്ടോറിയ രാജ്ഞിക്ക് കഴിഞ്ഞു.
June 17, 2016

സ്വച്ഛജടാമാംസി തൈലം

ആയിരത്തി എണ്ണൂറുകളുടെ അവസാനത്തിൽ ഇംഗ്ലണ്ടിന്റെ ക്രിക്കറ്റ് റ്റീമിന് വേണ്ടി പ്രശോഭിച്ച താരമായിരുന്നു ചാൾസ് സ്റ്റഡ്. ഇംഗ്ലണ്ടും ആസ്ത്രേല്യയും തമ്മിലുള്ള ആഷസ് റ്റെസ്റ്റ് പരമ്പരയ്ക്ക് ആ പേര് വരുവാൻ തന്നെ കാരണമായ 1882 ലെ മൽസരത്തിൽ ഒരു പ്രധാന പങ്ക് വഹിച്ചതിനാൽ തന്റെ പേര് ക്രിക്കറ്റ് ലോകത്തിൽ പ്രസിദ്ധമാണ്. എന്നാൽ അധികമാരും അറിയാത്ത പിൽക്കാല ചരിത്രം അദ്ദേഹത്തിന്റെ ജീവകഥയ്ക്കുണ്ട്. ക്രിക്കറ്റ് ജീവിതം അവസാനിപ്പിച്ചിട്ട് തന്റെ സർവ്വ സ്വത്തും ദൈവ വേലയ്ക്കായി മാറ്റി വച്ച്, അന്നത്തെ ഏറ്റവും വിഷമമേറിയ മിഷൻ സ്ഥലങ്ങളായ ചൈനയിലും ആഫ്രിക്കയിലും ഇന്ത്യയിലും താൻ ഒരു ക്രിസ്തീയ മിഷണറിയായി. വളരെ സമ്പന്നമായ അവസ്ഥയിൽ അല്ലലറിയാതെ ജീവിക്കാനാവുമായിരുന്ന താൻ, സുവിശേഷ വേലയ്ക്കായി അതെല്ലാം ഉപേക്ഷിച്ചതിനാലും തന്റെ വേലയ്ക്കായി ആരോടും സാമ്പത്തിക സഹായം ചോദിച്ച് വാങ്ങില്ല എന്ന തീരുമാനം എടുത്തതിനാലും കടുത്ത സാമ്പത്തിക ഞെരുക്കത്തിലൂടെയാണ് ദൈവ വേല ചെയ്യുവാനിടയായത്. അതേക്കുറിച്ച് പിൽക്കാലത്ത് അദ്ദേഹത്തോട് ചോദിച്ചപ്പോൾ അദ്ദേഹം പറഞ്ഞത് ഇപ്രകാരമാണ്: "ദൈവമായിരുന്ന യേശു ക്രിസ്തു മനുഷ്യനായി എനിക്ക് വേണ്ടി മരിച്ചു എങ്കിൽ, ആ പരിത്യാഗത്തിന് മുന്നിൽ എന്റെ സ്വത്തോ ജീവിതമോ ഏതുമില്ല"
June 8, 2016

വ്യർത്ഥമാകാത്ത സുവിശേഷം

സുവിശേഷം പ്രസംഗിക്കുന്നതിനെതിരെ തമിഴ്നാട്ടിലെ ഐ.എ.എസ് ഉദ്യോഗസ്ഥനായ ഉമാശങ്കറിന് സർക്കാർ താക്കീത് നൽകിയത് അടുത്തയിടെ വാർത്താമാധ്യമങ്ങൾ വഴി നമ്മിൽ പലരും അറിഞ്ഞതാണ്. സർക്കാർ വിലക്ക് വരുന്നതിനു ദിവസങ്ങൾക്ക് മുൻപ് അദ്ദേഹത്തിനെതിരെ കൈയേറ്റവും നടന്നതായി വായിക്കുവാനിടയായി. ഭാരതത്തിൽ ഇത് ഒരു ഒറ്റപ്പെട്ട സംഭവമല്ല. പരസ്യമായും രഹസ്യമായും നമ്മുടെ രാജ്യത്തിന്റെ അങ്ങോളമിങ്ങോളം അനേക ദൈവമക്കൾ സുവിശേഷം നിമിത്തം പീഡകൾ അനുഭവിച്ചു കൊണ്ടിരിക്കയാണ്. ഒരു കാലത്ത് സുവിശേഷപ്രചാരണത്തിനു വളരെ സ്വന്തന്ത്ര്യമുണ്ടായിരുന്ന പല സ്ഥലങ്ങളിലും ഇന്ന് സ്ഥിതി നേരെ മറിച്ചാണ്.
June 4, 2016

മടങ്ങിച്ചെല്ലുക

നാല് സുവിശേഷങ്ങളിൽ ലൂക്കോസിന്റെ സുവിശേഷത്തിൽ മാത്രം കാണുന്ന "ധൂർത്തനായിരുന്ന പുത്രന്റെ" ഉപമയാകും (ലൂക്കോസ് 15:11-36) യേശു പറഞ്ഞ ഉപമകളിൽ ഒരു പക്ഷെ ഏറ്റവും പ്രസിദ്ധമായത്! "മുടിയനായ പുത്രന്റെ കഥ" എന്നാണു അതിനെ കൂടുതൽ പേരും അറിയുന്നതെങ്കിലും "മടങ്ങിവന്ന പുത്രന്റെ കഥ" എന്ന് വിളിക്കുവാനാണ് എനിക്കേറെ ഇഷ്ടം. പിതാവിങ്കലേക്ക് മടങ്ങി വന്ന ആ പുത്രനെ ലോകം ഇപ്പോഴും "മുടിയൻ" എന്ന് വിളിക്കുന്നു എങ്കിലും പിതാവ് വിളിക്കുന്നത് "എന്റെ മകൻ" എന്ന് തന്നെയാണ് (ലൂക്കോസ് 15:24).